- © Tom Körber - dat Foto is vun Kiel Marketing e.V.
Wokeen sünd de Weertschopsjunioren Kiel
De Weertschopsjunioren Kiel sünd en Tosamenslutt vun mehr as 70 Fruuns- un Mannslüüd, de en Ünnernehmen hebbt, un ok anner Lüüd, de wat to seggen hebbt, in en Öller bet hen na 40 Johren. Tosamenknüppt to en grote Nettwark mit de hele Welt hebbt wi korte Dröhd hen na över 12.000 junge Lüüd ut de Weertschop in Düütschland un 3,5 Millionen Weertschopsjunioren op jeedeen Flaag un Placken op de Eer. Best Verbinnen hebbt wi ok na 50 Lüüd, de fröher mal bi de Weertschopsjunioren darbi wesen sünd un hüüt en Top-Positschoon in de sleswig-holsteensche Weertschop hebbt. Se sünd ok hüüt noch as Hölp un Stütt an uns Siet.
Bi uns Versammeln, de wi jeedeen Monat afhollen doot, snacken un vertellen wi vun aktuelle Saken ut de Weertschop, wat dor vör sik geiht, un kiekt bi Kieler Ünnernehmen vörbi, bi de wi wat över de Weertschop in Kiel lehren köönt. Mit uns söven Arbeitskrinken setten wi figeliensche Projekten üm. Man jümmers steiht darbi de Kontakt un de Uttuusch twüschen de Maten baven an.
