HAKO 2012 – Kiel deit inladen.
Worüm ju na Kiel kamen schöölt
HAKO in Kiel heet Verpusten an Stränn, de vele Kilometers lang sünd, un Weertschop na bi’t Water. Beleevt sülven, wa dat mit de Wetenschop vun’t Klima löppt – direkt op dat Schipp vun de Forschers. Maakt ju en Nettwark, man nich blots an de Bavensiet, dükert düchtig ünner. To’n Bispeel bi dat Speel, bi de en Ünnernehmen plaant warrt, wat denn as reale Projekt in en soziale Inrichten ümsett warrt. HAKO 2012 Kiel: Dor kreegt ji niege Insichten un köönt vun en anner Kant op de Saken kieken. Op Kiel, op de Wetenschop, op de Weertschop, op de jungen Weertschopslüüd vun de Hanseruum. Un op jeedeen vun ju sülven.
Kontakte & Nettwark
HAKO in Kiel, dat sünd interessante Kontakte un en fründliche Snack miteenanner. Wi wullen dat Tosamenkamen vun de jungen Lüüd ut de Weertschop in de Hanseruum op de Weg bringen, so dat de, de denn dorbi sünd, sik kennen lehrt un Hand in Hand arbeiden köönt. Starke Nettwarken sünd goot för en starke Weertschop.
Frietiet & Spaaß
HAKO in Kiel, dat is Spaaß an’t Meer. Beleevt mit uns tosamen Sand, Bülgenslag, Wind un Water – op’t Land, op de See un in de Luft. De Kieler Föör mit ehr vele Kilometers vun Stränn deit ju inladen, de Elemente optofinnen, Rutföddern antonehmen oder eenfach mal to verpusten. HAKO in Kiel, Meer is nich allens! Kiel överrascht ju mit Saken ut de billende Kunst, Musik vun Klassik bet hen na Pop, Parks un Hüser vun hoge Herrschopen, de ju Saken vertellen, de nich to glöven sünd, aver de ok mal angahn köönt.
Wetenschop & Technik
HAKO in Kiel, dat sünd Insichten in de Wetenschop un dat, wat de Wetenschop maakt. An de Hoochscholen un bi de Ünnernehmens, de forscht, warrn de fixesten Jachten to’n Segeln un de sekersten Tankscheep utklamüstert. De Lüüd ut Kiel buut de Andriften för Scheep, de jümmers Innovatschonen un ok bannig goot för dat Klima sünd. Dat IFM Geomar forscht op de Rebeden Klimadynamik un Ökologie op’t hööchde Niveau in de Welt mit, dat Hartzentrum för Kinner vun de Universität Kiel maakt Harten wedder heel, so as keen annere Inrichten in Düütschland. Un dat Weltweertschopsinstituut is een vun de gröttsten Steden för weertschopspolietsche Forschen un Beraden.
Weertschop & Tokunft
HAKO in Kiel, dat is dat Beleven vun en besünnere Verbinnen twüschen Weertschop un Wetenschop an’t Water, Branchen mit Traditschoon un Innovatschoon, industrielle Produktschoon un moderne Deenstleisten. Wi warrn uns nich blots de Ünnernehmen ankieken, sünnern dörch dat Anbeden vun Workshops ok mitmaken. Bi Seminoren kunn een aktiv un nah bi sik sülven beleven, wat de Weertschop in Kiel allens tostann kregen deit. Een schull künnig warrn, Anregen, Inblicke un Ideen schüllt geern mit na Huus nahmen warrn.
HAKO för Kinner
HAKO in Kiel, dat is för jue Kinner en grote Kist mit Sand to’n Toven un Opdecken in de eenzige Grootstadt direkt an’t Meer. En Stadt, de Scheep buen un oole U-Bööd to’n Klattern an de Strand stellen deit. An en Föör, op de grote Pötte, Fähren un Krüüzfohrscheep na bi de Strand vörbi glieden doon. Kiel tövert jue Lütten en Lüchten in de Ogen mit Segeln un Surfen, mit Kieken, sik wunnern un baff sien, so dat se bi’t Spelen wat lehren. HAKO för Kinner – en opregende Utfohrt. Kinnerfründliche Programm för Öllern, de denn ok ehr Lütten mit na Kiel nehmen köönt. Dat gifft en Kinnergoorn an de Strand un för de, de en beten wat Grötter sünd, gifft dat ok dat een of anner Aventüür to beleven. Ok dat is de HAKO 2012.
