Leve Frünnen vun de HAKO 2012 un leve Lüüd, de uns bi de HAKO 2012 ünnerstütten doot,

ik freu mi bannig, dat de Hanseruumkonferenz 2012 vun de Weertschopsjunioren Kiel i.V. in de Lannshööftstadt utrichtet warrt. Dat Motto vun de Veranstalten: „Kiel dükert op!“ seggt dat all: De Stadt an de Föör hett ehr Kraft as Oort för de Weertschop wedder funnen. „Kiel dükert op“ ut dat deepste Meer mit vele Saken vun de Ünnernehmers vör Oort, de Se op de Konferenz finnen köönt.

De HAKO 2012 is en grote Pott mit Ideen un Insichten, ut de sik junge Ünnernehmenslüüd wat mitnehmen köönt: Nettwarken warrn knüppt, Ideen utklamüstert un Besluten maakt. Dat lebennig Uttuschen över de lokale Grenz rut kaamt ok Se as Sponsoren in de Mööt. Se hebbt de Chance, sik bi junge Lüüd, de in ehr Ünnernehmen wat to seggen hebbt, ut heel Noorddüütschland vörtostellen.

De Weertschopsjunioren ut Kiel wiest uns mit de Konferenz, woveel de Stadt an de Föör för ehr Identität bedüden deit. Mit veel Hartbloot setten se sik, op’t meest ohn, dat se dorför Geld kregen doot, för de Weertschop un niege Saken in de Region in. Een Idee vun de jungen Lüüd, de wat to seggen hebbt, find ik besünnerlich goot: Dat aktive Verbinnen vun Fragen ut de Weertschop mit soziale Anspröök un Werten vun de Sellschop. De jungen Ünnernehmenslüüd hebbt dat richtig erkannt: De Tokunft för Innovatschoon liggt in de Billen as ok in de Verbinnen vun Familie un Beroop. Blots, wenn wi ökonoomsche, ökoloogsche un soziale Fragen mitenanner tosamen bringen doot, stüert wi dor gegen an, dat jümmer mehr Minschen öller warrn un jümmer weniger junge Lüüd nakamen doot. Op disse Wies warrn wi de Rutföddern vun en moderne soziale Marktweertschop meestern. As en goot Bispeel övernehmen de Weertschopsjunioren darbi Verantworten för de Sellschop. Sünnerlich rutgriepen will ik dat Insetten, Weertschopsthemen an de Kieler Scholen to bringen: Mit Vördreeg un Praktika helpt se Schölerinnen un Schölers bi de Beroopfinnen.

As Sponsoren sekern Se sik nich blots de Erfolg vun de Konferenz, sünnern dregen de Idee vun en Weertschops- un Geschäftsleven mit, dat ut en soziale Verantworten rut wassen deit. Se köönt as tokünftige Förderstütt vun de HAKO 2012 sülven seggen, op welke Wies Se sik insetten wüllt. Se warrn vun de Weertschopsjunioren ganz na Ehr Klöör betüdelt un köönt to jeedeen Tiet kieken, in welke Projekten Ehr Insetten geiht.

Ik freu mi op Ehr Ünnerstütten un wünsch Se veel Erfolg in de Verloop vun de HAKO 2012 in Kiel.